Ռոնին
11/26/2015
Պրոգրես
Իսկ ի՞նչ է պրոգրեսը,
Եթէ բառ չէ լոկ՝
Անբովանդակ ու անուղի․․․
Ի՞նչ է պրոգրեսը,
Որ սիրում էք հոլովել յաճախ։
Միթէ՞ այն անմտութիւնն է,
Որ մատուցւում է ամէնուր
Ազատութեան անբիծ անուան տակ
(Որը բծաւորեցիք խոր սպիերով):
Միթէ՞ այն շնութիւնն է,
Որով փորձում էք սէրն էլ փոխարինել
Օրգանների որոշակի շարժումով,
Հասցնելով կենդանական բնազդի։
Ի՞նչ,
Ի՞նչ է պրոգրեսը,
Միթէ՞ այն հաւասարութիւնն է,
Որ հաւասարեցրեց մարդուն անասունի։
26․ԺԱ․ՍԺԲթ․
Subscribe to:
Post Comments (Atom)
No comments:
Post a Comment